Шимолий денгиз соҳилидаги Бремерхафен порти 1,35 миллиард евролик модернизациядан ўтяпти. Германиянинг 2026 йилги бюджетида кўзда тутилган ушбу чора Берлиннинг эҳтимолий урушга тайёргарлик кўриш бўйича кенг кўламли ҳаракатларининг бир қисмидир, деб ёзмоқда Bloomberg агентлиги.
Европадаги энг йирик автомобил портларидан бирини модернизация қилишдан мақсад — ҳарбий техникаларни ташиш имкониятини таъминлаш учун юк ортиш кўприкларини кучайтиришдир.
Агентликнинг қайд этишича, Европага ҳужум қилинган тақдирда, Германия ўзининг жойлашуви ва ресурслари билан қўшинларни таъминлашда стратегик аҳамият касб этади.
Германия Қуролли кучлари BLG Logistics каби хусусий сектор компанияларидан ёрдам сўрамоқда. Бироқ, Бундесвер тезкор оммавий мобилизация учун зарур бўлган миқёсдаги давлат-хусусий шерикликка ҳали тайёр эмас, чунки Иккинчи жаҳон урушидан кейин фуқаролик ва ҳарбий тузилмалар бир-биридан қатъий ажратилган эди.
"Биз чиндан ҳам парадигмалар ўзгаришини англатувчи жараёнларни бошладик", — деди Германия мудофаа вазири Борис Писториус 22 апрел куни мамлакатнинг янги ҳарбий стратегиясини тақдим этар экан.
Зеленский Путиннинг Ғалаба байрами муносабати билан сулҳ эълон қилиш ғоясига муносабат билдирди
АҚШда Россиянинг Т-72 танки дунёдаги энг яхши танклардан бири деб топилди
Оқ уй баёноти: Эрон билан уруш расман «якунланди»
