Germaniya tashkil topganidan beri eng uzoq davom etgan inqirozni boshdan kechirmoqda

Germaniya tashkil topganidan beri hozir eng uzoq davom etgan inqirozni boshidan kechirmoqda.

Bu haqda Germaniya ish beruvchilar uyushmasi rahbari Rayner Dulger DPA axborot agentligiga bergan intervyusida ma’lum qildi.

"Germaniyaga hal qiluvchi yutuq kerak, aks holda biz uzoq davom etgan inqirozga duch kelamiz... Biz Federativ respublika tashkil topganidan beri eng uzoq davom etgan inqirozimiz boshida turibmiz”, - dedi u.

Dulger mamlakatda byurokratiyani kamaytirishga chaqirdi. Bu, uning fikricha, fuqarolarga rivojlanish uchun ko‘proq erkinlik beradi.

Uning fikricha, tashqi siyosatdagi inqirozlar ichki islohotlarni yanada zarur qiladi. U kansler Fridrix Mersga murojaat qilib, iqtisodiy o‘sishsiz samarali tashqi siyosatni amalga oshirish mumkin emasligini e’lon qildi.