Germaniya kansleri: Turkiya biz uchun juda qimmatli va muhim NATO ittifoqchisidir

Turkiya Germaniya uchun juda qimmatli va muhim NATO ittifoqchisidir.

Bu haqda Germaniya kansleri Fridrix Mers NATO bosh kotibi Mark Ryutte bilan o‘tkazilgan matbuot anjumanida “Anadolu” agentligining savoliga javob berar ekan, ma’lum qildi.

NATO doirasida Turkiya bilan mavjud hamkorlikni mustahkamlash va kengaytirish uchun qo‘lidan kelgan barcha ishni qilishini aytdi.

Kanslerning so‘zlariga ko‘ra, Turkiya alyans mas’uliyati doirasidagi strategik muhim hududni himoya qilmoqda.

Bundan tashqari. F.Mers yaqin kunlarda Turkiya prezidenti Rajab Toyyib Erdo‘g‘onning taklifiga binoan Turkiyaga tashrif buyurishini aytdi.