Germaniya AQShdan yana 15 ta F-35 harbiy samolyotini sotib olishni rejalashtirmoqda

Germaniya Amerikadagi Lockheed Martin kompaniyasidan yana 15 ta beshinchi avlod F-35 harbiy samolyotini xarid qilishni rejalashtirmoqda. Bu orqali Germaniya o‘zining kelajakdagi havo guruhini 35 tadan 50 tagacha kengaytirishni maqsad qilmoqda.

Bu haqda Politico nashri manbalariga tayanib xabar bergan.

Nashrda qayd etilishicha, mazkur rejalashtirilayotgan bitim NATO tomonidan yaqinda tasdiqlangan yangi harbiy kuchlar va qurollanish darajalariga oid maqsadlar fonida jiddiy e’tiborni qozongan. Shu bilan birga, milliy mudofaa rejalarini qayta ko‘rib chiqish ham muhokama qilinmoqda.