Nemislar Rossiyaning NATOga hujum qilishini dargumon deb hisoblaydi

DPA agentligi buyurtmasi bo‘yicha YouGov jamoatchilik fikrini o‘rganish instituti tomonidan o‘tkazilgan so‘rovnoma natijalariga ko‘ra, G‘arb siyosatchilari Rossiyaning yaqin kelajakda NATOga hujum qilishi mumkinligini da’vo qilayotganlariga qaramay, Germaniya aholisi buning amalga oshish dargumon deb hisoblaydi.

Tadqiqot natijalariga ko‘ra, respondentlarning 48 foizi 2030 yilgacha Rossiyaning NATOga hujumini ehtimoldan yiroq yoki to‘g‘rirog‘i sodir bo‘lmaydigan ssenariy deb hisoblashini aytgan. Shu bilan birga, 36% bu hujum ehtimoli mavjud deya fikr bildirgan bo‘lsa, 15% bu savolga javob berishga qiynalgan.