G‘azoni qayta tiklash uchun mintaqaviy platforma taklifi ilgari surildi

Eron Falastinning G‘azo sektorini qayta tiklash bo‘yicha mintaqa davlatlari ishtirokida qo‘shma platforma yaratishni taklif qildi.

Bu tashabbusni Eron oliy rahbarining maslahatchisi, tashqi aloqalar bo‘yicha strategik kengash rahbari Kamol Xarroziy Arab-Eron muloqotining 4-konferensiyasi ochilishida ilgari surgan.

"Biz ichki ko‘chirilganlarni qo‘llab-quvvatlash va G‘azo sektorini qayta tiklash uchun umumiy platforma yaratishimiz kerak", — dedi u.

Xarroziy Eron tushunmovchiliklarni kamaytirish uchun mintaqa davlatlari bilan muloqotga ochiq ekanligini va shu doirada qo‘shma tadqiqot markazi tashkil etishni taklif qilishini qo‘shimcha qildi.