Isroil mudofaa kuchlarining (SAXAL) harakatlari natijasida G‘azo sektorida mojaro boshlanganidan buyon 198 nafar shifokor va tibbiyot xodimi halok bo‘ldi, 36 ta tibbiyot muassasasidan 25 tasi yaroqsiz holga keltirildi. Bu haqda 18 noyabr, shanba kuni Falastin sog‘liqni saqlash vaziri Mey al-Kaila jurnalistlarga ma’lum qildi.
"G‘azo sektorida tajovuz boshlanganidan beri 12,3 mingdan ortiq odam halok bo‘ldi, ulardan 5 mingdan ortig‘i bolalar va 3,3 ming nafari ayollardir", — deyiladi anklav hukumati axborot idorasining telegram-kanalida .
Shuningdek, Isroil bombardimonlari natijasida 43 ming turar-joy binosi vayron bo‘lgan, 225 ming uy qisman vayron bo‘lgan.
