Futbol tarixidagi eng yaxshi driblingchi aniqlandi

Britaniyaning nufuzli «Give me Sport» portali futbol tarixidagi eng yaxshi driblingchilar reytingini e’lon qildi.

Reytingning birinchi pog‘onasini afsonaviy braziliyalik vinger Garrincha egalladi. Uning ortida ikki argentinalik mashhur futbolchi – Lionel Messi va Diyego Maradona turibdi.

«Manchester Yunayted» afsonasi Jorj Best to‘rtinchi, «Oltin to‘p»ning uch karra sohibi Yoxan Kroyff esa beshinchi o‘rinda. Ronaldinyo reytingda oltinchi, Neymar esa to‘qqizinchi o‘rinni egalladi. Portugaliyalik hujumchi Krishtianu Ronaldu ro‘yxatning kuchli 11 taligiga kira olmadi.