Fuqarolarni ro‘yxatdan o‘tkazish tartibi yangilandi

Hukumatning yangi qarori bilan fuqarolarni yashash va turgan joyi bo‘yicha ro‘yxatdan o‘tkazishning yangi tartibi tasdiqlandi.

Yangi nizomga ko‘ra:
➖ ro‘yxatdan o‘tkazish ichki ishlar organlarining migrasiya bo‘linmalari tomonidan amalga oshiriladi;
➖ fuqaro va uy egasining roziligi “Face-ID” yoki “Mobile-ID” orqali tasdiqlanadi;
➖ fuqaro yangi manzilga ko‘chib kelganidan keyin 10 ish kuni ichida ro‘yxatdan o‘tishi shart;
➖ ariza davlat xizmatlari markazlari, “Aqlli” migrasiya shoxobchalari yoki onlayn tarzda topshirilishi mumkin;
➖ 18 yoshgacha bo‘lganlar ota-onasi yoki vasiysi ro‘yxatda turgan manzilga qayd etiladi;
➖ bir nechta uyi bor mulkdor faqat bitta manzilda doimiy ro‘yxatda turishi mumkin.

Shuningdek, ayrim hududlarda — chegara zonalari, yopiq harbiy shaharchalar va favqulodda holat joriy etilgan joylarda yashash va harakatlanishga cheklov qo‘yilishi mumkin.