Fransiyaning Nant shahridagi maktabda pichoqbozlik natijasida bir o‘quvchisi halok bo‘ldi, yana uch nafar o‘quvchi jarohat oldi

Hujum haqida mahalliy ommaviy axborot vositalari xabar berdi.

Hujum qilgan shaxs shu maktabda o‘qiydigan 15 yoshli o‘smir bo‘lib, u polisiya kelguniga qadar o‘qituvchilar tomonidan qo‘lga olingan.
Hozircha uning harakatiga nima sabab bo‘lgani noma’lum.

Polisiya ma’lumotiga ko‘ra, u ilgari hech qanday javobgarlikka tortilmagan va hujum terrorchilik bilan bog‘liq emasligi taxmin qilinmoqda.

Xabar qilinishicha, Fransiya Ichki ishlar vaziri hamda Ta’lim vaziri Nant shahriga yo‘l olgan.