Fransiyada xantavirus infeksiyasi xavfi tufayli sakkiz kishi karantinga olindi

Fransiyada rasmiylar xantavirus bilan kasallangani tasdiqlangan odamlar bilan aloqada bo‘lgan sakkiz kishini karantinga oldi.

Bu haqda Fransiya Sog‘liqni saqlash vazirligi xabar berdi.

Vazirlik ma’lumotlariga ko‘ra, ulardan biri samolyotda hantavirus bilan kasallangani tasdiqlangan odam bilan birga bo‘lgan. Erkakda yengil alomatlar kuzatilgan, ammo test natijasi salbiy chiqqan.

Yana yetti kishi MV Hondius kruiz kemasidan tushgan yo‘lovchi bilan aloqada bo‘lgan.

Kema bortida qolgan besh nafar Fransiya fuqarosi Kanar orollariga yetib kelganidan keyin 24-48 soat ichida vataniga qaytarilishi qayd etildi. Kemadan tushgandan so‘ng, ular Fransiyaga yetib kelganlarida test va qayta testdan o‘tkaziladi.

Fransiya Tashqi ishlar vazirligi ma’lumotlariga ko‘ra, ularda hozirda hech qanday tashvishli alomatlar kuzatilmayapti. Agar kasallik belgilari aniqlansa, ular ixtisoslashtirilgan muassasalarda kasalxonaga yotqiziladi. Asemptomatik yo‘lovchilar ham uyga qaytishdan oldin qayta testdan o‘tkaziladi.