Fransiyada Luvrdagi hodisadan bir necha soat o‘tib, yana bir muzey talon-taroj qilingan ekan

Le Figaro gazetasi ma’lumotiga ko‘ra, o‘g‘rilar mamlakatning shimoli-sharqida joylashgan Deni Didro ma’rifat uyiga kirishgan. Ular XVIII–XIX asrlarga tegishli oltin va kumush tangalarning bir qismini o‘marishgan.

Muzey dushanba kuni yopiq bo‘lganidan foydalanib, hodisa 19 oktyabrdan 20 oktyabrga o‘tar kechasi sodir etilgan.

Tergov buni “puxta rejalashtirilgan talonchilik” deb baholamoqda.

Eslatib o‘tamiz, bu voqeadan bir necha soat avval Luvrda ham o‘g‘irlik sodir bo‘lgan edi. U yerdagi zarar 88 mln yevro deb baholangan.