Fransiya polisiyasi ma’lumotlariga ko‘ra, Xalqaro mehnatkashlar kuni munosabati bilan o‘tkazilgan mitingda 175 mingga yaqin kishi, jumladan, Parijda 32 ming kishi ishtirok etgan, deb xabar beradi Kazinform.
1 may Fransiyada davlat bayramlaridan biri hisoblanadi. Bu kun "Mehnat kuni" deb nomlanadi. Shu kuni mamlakat bo‘ylab an’anaviy tarzda kasaba uyushmalari vakillari ishtirokida ommaviy namoyishlar o‘tkaziladi.
Bu yil Fransiyaning Parij, Nant va boshqa shaharlarida yirik namoyishlar bo‘lib o‘tdi. To‘qnashuvlar ham bo‘lgan.
Ushbu voqea bilan bog‘liq tarqalgan xabarlarga ko‘ra, sosialistik faollarga hujum qilingan. Ulardan to‘rt nafari yengil tan jarohati olgan.
Fransiya ichki ishlar vaziri Parijdagi Sosialistik partiya idorasiga namoyishchilar tomonidan hujum qilinganini ma’lum qildi.
— Polisiya voqea joyini qo‘riqlash va jinoyatchilarni qo‘lga olish uchun aralashdi. Aytmoqchimanki, hujumga uchragan faollarni to‘liq qo‘llab-quvvatlayman. Biz mamlakatda radikal so‘lchilar uyushtirmoqchi bo‘lgan siyosiy qarama-qarshilikka yo‘l qo‘ymaymiz, — dedi u.
Fransiya muxolifati ham miting o‘tkazdi. “Milliy front” rahbari Marin Le Pen Narbonna shahridagi 8000 tarafdorlari bilan suhbatlashdi. U o‘ng qanot radikal siyosatchi sifatida E.Makron siyosatini tanqid qilgan.
— Tizim prezidentlikka nomzodimni qo‘yishimga to‘sqinlik qilgan bo‘lsa-da, butun mamlakat bo‘ylab minglab fransuzlarning harakatga kirishishi, ishtirok etishi va mas’uliyatni o‘z zimmasiga olishiga to‘sqinlik qila olmaydi, — dedi u.
Aprel oyi boshida Fransiya sudi o‘ta o‘ngchi “Milliy front” partiyasi yetakchisi Marin Le Penni Yevropa Ittifoqi moliyasiga zarar yetkazganlikda aybladi. Bu muxolifatdagi siyosatchining bo‘lajak prezidentlik saylovlarida ishtirok etishiga to‘sqinlik qilishi mumkin.
