Fransiya va Yevropadagi harbiylar Rossiya bilan to‘qnashuvga tayyorlanmoqda

Evropa davlatlarining yuqori martabali harbiy amaldorlari Rossiya bilan gibrid mojaro yoki hatto to‘g‘ridan-to‘g‘ri jang ko‘rinishidagi mumkin bo‘lgan qarama-qarshilikka tayyorlanmoqda.

Bu haqda Le Figaro gazetasi harbiy doiralardagi manbalarga tayanib xabar bermoqda.

Ismi oshkor etilmagan fransuz zobitining so‘zlariga ko‘ra, harbiylar "eng yomoniga tayyorlanmoqda". Nashrning ta’kidlashicha, xuddi shunday atmosfera "barcha Yevropa mamlakatlarida" hukm surmoqda, bu yerda harbiylar turli harbiy ssenariylarni hisoblab chiqmoqda.

Nashrning ta’kidlashicha, Rossiya va NATO o‘rtasida keng ko‘lamli mojaro yuzaga kelishi ehtimoli yadroviy kuchayish xavfini hisobga olgan holda past deb baholanmoqda, biroq ayni paytda harbiylar Yevropa davlatlaridan birining hududida, shuningdek, Yevropadan tashqarida cheklangan harbiy harakatlar va gibrid urush o‘tkazish imkoniyatini ham ko‘rib chiqmoqda.

Maqolada Rossiyaning Yevropaga gibrid hujumlari haqida so‘z boradi. Bunga misol qilib, ular Ruminiyada prezidentlik saylovlarining birinchi bosqichida yevropaparast nomzod Yelena Laskonini mag‘lub etgan Kalin Georgeskuning g‘alabasini keltirmoqda.

Bu mamlakatning NATO bilan hamkorlik istiqbollari borasida xavotirlarni kuchaytirdi. Fransiya Qurolli Kuchlari Bosh shtabi hatto Afrika Saxel mamlakatlari bilan ham o‘xshashlik ko‘rsatdi, u yerdan fransuzlar Rossiya bilan hamkorlikni kuchaytirish fonida o‘zlarining harbiy kontingentini olib chiqishlari kerak edi.