Fransiya terma jamoasi bosh murabbiyi Didye Desham o‘z lavozimida qoladi. Murabbiy qo‘l ostida Fransiya termasi Yevro-2024 yarim finalida Ispaniyaga imkoniyatni boy berib, musobaqa bilan xayrlashgandi. Fransiya futbol federasiyasi rahbari Filipp Diallo murabbiy o‘z lavozimida qolishini ma’lum qildi.
"Deshamning kelajagi borasida shubhalanishga arziydigan sabab ko‘rmayapman. Avvalgi natijalar uning foydasiga xizmat qilmoqda, maqsadlarga erishilgandi. Didye ishlashda davom etadi", -deydi Fransiya futbol federasiyasi rahbari Filipp Diallo.