Fransiya tashqi ishlar vaziri: "Grenlandiya sotiladigan buyum emas"

Grenlandiya muzokara buyumi emas va uning aholisiga tegishli.

Bu haqda Fransiya tashqi ishlar vaziri Jan-Noel Barro France Inter radiosi orqali ma’lum qildi.

"Grenlandiya sotilmaydi. U Grenlandiyaga tegishli va uning kelajagi Grenlandiya va Daniya rasmiylari o‘rtasidagi kelishuvlar doirasida belgilanadi", — dedi u.

Uning so‘zlariga ko‘ra, bir NATO davlatining boshqasiga hujum qilishi ma’nosiz va AQShning o‘z manfaatlariga zid bo‘ladi. Vazir, shuningdek, bu masalani AQSh Davlat kotibi Marko Rubio bilan muhokama qilganini va u Vashington harbiy ssenariyni ko‘rib chiqmayotganini tasdiqlaganini ta’kidladi.

Barroning qo‘shimcha qilishicha, Fransiya o‘z hamkorlari bilan Qo‘shma Shtatlar Grenlandiyani bosib olish tahdidini amalga oshirishga urinsa, favqulodda vaziyat rejasi ustida ishlamoqda. Uning ta’kidlashicha, bu masala uning Germaniya va Polsha tashqi ishlar vazirlari bilan uchrashuvida muhokama qilinadi.

"Biz harakat qilmoqchimiz, lekin buni yevropalik hamkorlarimiz bilan birga qilishni xohlaymiz", dedi vazir.