Fransiya qamoqxonalaridagi bandlik darajasi 2025 yil may oyi boshida rekord darajaga yetdi. Mamlakatdagi qamoqxonalarda taqdim etilgan joylar soniga nisbatan mahkumlar soni keskin oshib ketdi va tizimdagi muammolar yana bir bor ko‘zga tashlandi.
BFMTV xabariga ko‘ra, Fransiya Adliya vazirligi ma’lumotlariga binoan, 1 may holatiga kelib qamoqxonalarda 83 700 nafarga yaqin mahkum saqlanayotgani qayd etilgan. Shu bilan birga, muassasalardagi rasmiy o‘rinlar soni 62 570 tani tashkil qilmoqda. Bu 133,7 foizli bandlik ko‘rsatkichiga teng bo‘lib, o‘tgan yilgi 125,3 foizlik ko‘rsatkichga nisbatan keskin o‘sishdir.
Joy yetishmovchiligi tufayli ayrim muassasalarda bir kamerada ikki yoki undan ortiq mahkum saqlanayotgani, gigiyena, xavfsizlik va insonparvarlik normalari buzilayotgani qayd etilmoqda. Bu esa qamoqxonalardagi sharoitni tanqid ostiga qo‘yib, inson huquqlarini himoya qiluvchi tashkilotlar tomonidan davlatga nisbatan tanqidlarni kuchaytirmoqda.
Hukumat ayni paytda tizimni isloh qilish, yangi qamoqxonalar qurish va jazoni o‘tashning alternativ usullarini joriy etish bo‘yicha rejalarni ishlab chiqmoqda. Ammo mutaxassislar bu muammoning yechimi faqat infratuzilma emas, balki jinoyat siyosatiga qayta yondashuvni talab qilishini ta’kidlamoqda.
Dollar kursi yana keskin «quladi»
Isroil Eron bilan urush tugaganini rasman e’lon qildi
Eron butun Isroil bo‘ylab zarbalar berdi — Islom inqilobi qo‘riqchilari korpusi
