Fransiya polisiyasi Parijda 2024 yilgi yozgi Olimpiya o‘yinlari boshlanganidan beri 180 kishini qo‘lga oldi.
Bu haqda 2 avgust, juma kuni Fransiya ichki ishlar vaziri Jerald Darmanen poytaxt va uning atrofidagi huquq-tartibot holatini sharhlar ekan, jurnalistlarga ma’lum qildi.
2024 yil boshidan buyon poytaxt Parij va uning atrofidagi hududlarda jinoyatchilik darajasi keskin pasaygan, dedi vazir poytaxt chetidagi Sen-Deni kommunasidagi polisiya bo‘limiga tashrifi chog‘ida.
Darmanenning aytishicha, 1 yanvardan beri mintaqada zo‘ravonlik bilan o‘g‘rilik 24 foizga, avtomobil o‘g‘irlash 10 foizga, jamoat transportida zo‘ravonlik 40 foizga kamaydi.
