Fransiya hukumati 8 milliard yevrolik mudofaa buyurtmalarini to‘lamay yuribdi

Fransiya Qurolli kuchlari vazirligi yil oxirigacha mudofaa buyurtmalari bo‘yicha 8 milliard yevrolik qarzini to‘lashi kerak.

Bu haqda BFMTV telekanali xabar berdi.

Uning ma’lumotlariga ko‘ra, bu "mudofaa kompaniyalaridan buyurtma qilingan, lekin hali to‘lanmagan harbiy texnikaga" tegishli. Telekanalning ta’kidlashicha, mudofaa korxonalari "davlat kredit asosida qayta qurollanayotgani uchun ogohlantirmoqda".

To‘lanmagan to‘lovlar haqida tashvishlanish, xususan, Airbus va Thales tomonidan bildirildi.

"2024 yilda Fransiya parlamenti tomonidan qabul qilingan harbiy rejalashtirish to‘g‘risidagi qonun 2030 yilgacha qayta qurollanish uchun 413 milliard yevro ajratishni nazarda tutgan bo‘lsa-da, byudjetning bir qismi allaqachon sarflangan, chunki 99 milliard yevro avvalgi majburiyatlarni bajarishga yo‘naltiriladi", deb ta’kidlaydi BFMTV. Kanal yangi buyurtmalar uchun ko‘p pul qolmasligi mumkin deb hisoblaydi.

14 aprel kuni Iqtisodiyot, moliya, sanoat va raqamli suverenitet vaziri Erik Lombar Fransiyaning 3,3 trillion yevroga teng davlat qarzini ortiqcha deb atadi.