AQSh federal hukumatining qisman yopilishi milliy xavfsizlikka tahdid solishi mumkin.
CNN telekanali xabariga ko‘ra, bu haqda FQB agentlari uyushmasi a’zolariga yuborilgan xabarnomada aytilgan.
"Mamlakat milliy xavfsizlikka misli ko‘rilmagan tahdidlar va jinoyatlarga duch kelgan bir paytda FQBning faoliyatini to‘xtatish FQBning o‘z vazifalarini bajarish qobiliyatiga putur yetkazishi mumkin”, - deya xabar beradi CNN.
Assosiasiya, shuningdek, cheklangan operasion resurslar tergov, kuzatuv, sud-tibbiy tahlil va davlat, mahalliy va xalqaro huquqni muhofaza qilish idoralari bilan hamkorlikka jiddiy ta’sir ko‘rsatishi mumkinligi haqida ogohlantirdi.
Tashkilot rahbarlari Kongressga maktub yo‘llab, to‘xtash vaqtida ishlagan federal huquq-tartibot idoralari xodimlarining maoshlaridan ushlab qolinmaslikni talab qilgan. Ular maoshlarni ushlab qolish agentlarning moliyaviy barqarorligiga tahdid solishi va ularning xavfsizlik ruxsatnomalarini xavf ostiga qo‘yishi mumkinligini ta’kidladilar.
AQSh federal hukumati mablag‘ yetishmasligi sababli 1 oktyabr yarim tunda o‘z faoliyatini qisman to‘xtatdi.
Toshkent viloyatida poyezd relsdan chiqib ketdi
Netanyaxuning nutqini O‘zbekiston ham boykot qilgan. BAA esa yo‘q
Ukraina dronlari Rossiyaning ikki yirik neft ob’ektlarini yo‘q qilib tashladi
