Italiyaning Lombardiya viloyatidagi Paviya shahrida shifokorlar koronavirusni yengganlarning qon plazmasidan foydalangan holda COVID-19ni yuqtirib olgan bemorlarni davolashni boshlashdi.
Bu haqda ANSA xabar berdi.
"Ba’zi bemorlar allaqachon antitelalarni o‘z ichiga olgan koronavirus bilan davolangan bemorlarning qon plazmasini olishdi", deyiladi xabarda.
Ta’kidlanishicha, Paviya shahrida koronavirus bilan kasallangan dastlabki ikki shifokor hozir davolanayotgan bemorlarga donor bo‘lishgan.
"Dastlabki ikkita donor Pyeve-Porto-Morone shahrining shifokorlari (er va xotin) hisoblanib, aynan ular Paviya viloyatida birinchi bo‘lib COVID-19 kasalligini yuqtirib olishgan", deb yozadi gazeta.
