Forbes Maskni dunyodagi eng boy odam deb e’lon qildi

AQSh hukumati samaradorligi departamentini (DOGE) nazorat qiluvchi Ilon Mask dunyoning eng boy odamlari ro‘yxatida birinchi o‘rinni egalladi. Bu haqda Forbes jurnali e’lon qilgan 39-reytingda ma’lum qilindi.

Nashrning yozishicha, Maskning boyligi 342 milliard dollarga baholangan. Ikkinchi o‘rinni Meta korporasiyasi bosh direktori Mark Sukerberg egalladi, uning boyligi 216 milliard dollar. Uchinchi o‘rinni Amazon asoschisi Jeff Bezos egalladi, uning boyligi 215 milliard dollar.

2024 yilda ro‘yxatda LVMH (Louis Vuitton Moet Hennessy) kompaniyalar guruhiga egalik qiluvchi milliarder Bernard Arno yetakchilik qildi. Biroq, 2025 yilda Arno va uning oilasi 178 milliard dollarlik boylik bilan beshinchi o‘rinni egalladi.

Jurnal ro‘yxatini umumiy boyligi 16,1 trillion dollarga teng bo‘lgan 3000 dan ortiq odam egallagan. Forbes qayd etganidek, birinchi marta uch kishi 200 milliard dollardan ortiq boylikka ega.