Finlyandiyadagi NATO bazasi Shvesiya qo‘mondonligi ostida bo‘ladi

Finlyandiyaning Laplandiya hududida yaratilayotgan NATO bazasi Shvesiya qo‘mondonligi ostida bo‘ladi.

Bu haqda MTV3 telekanali manbalarga tayanib xabar berdi.

"Shvesiya bazani boshqarish va qo‘shinlarga qo‘mondonlik qilish uchun javobgar bo‘ladi. Finlyandiyaga 20-50 nafar shved zobiti yuborilishi, baza xodimlari esa asosan shvedlardan iborat bo‘lishi mumkin. Bu Finlyandiyaga mamlakatning janubiy qismini himoya qilishga e’tibor qaratish imkonini beradi", deyiladi xabarda.