Aprel oyining oxiridan iyun oyining boshigacha Finlyandiyada quruqlikdagi kuchlarning manevrlari o‘tkaziladi.
Keyingi «Arrow 24» mashqlari 26 apreldan 14 mayga qadar mamlakat janubi-g‘arbida bo‘lib o‘tadi. Ularga 2,6 mingga yaqin kishi, jumladan, Latviya, Estoniya va Buyuk Britaniya harbiy xizmatchilari jalb qilinadi.
14-23 may kunlari havo hujumidan mudofaa, 13-25 may kunlari artilleriya o‘quv mashg‘ulotlari tashkil etiladi.
Keyingi, 27-31 may kunlari Repo 24 mashqlari Rossiya chegarasiga yaqin joyda, Kyumenlaakso shahrida bo‘lib o‘tadi. Ularda 2,1 mingga yaqin kishi ishtirok etadi.
24 apreldan 7 iyunga qadar aviasiya Finlyandiya janubi va shimolidagi quruqlikdagi kuchlarning manevrlarida ishtirok etadi.
