FIFA va UYEFA Rossiya borasida arosatda qolgani ma’lum bo‘ldi

FIFA va UYEFA Rossiyani Ukrainadagi mojarodan so‘ng ma’naviy sabablarga ko‘ra emas, balki Yevropaning kamida 12 assosiasiyasi Rossiya bilan o‘ynashdan bosh tortgani va ularning soni 18 taga yetishi kutilayotgani uchun turnirdan chetlatilgan, deb yozadi The Independent nashri.

Manbaga ko‘ra, o‘sha davlatlardan biri Polsha bo‘lgani va ularda Rossiya bilan JCh saralash o‘yini belgilangani hisobga olinsa, FIFA darhol inqirozga yuz tutgan. Boshqaruv kengashi yaqin kelajakda o‘tkazilishi rejalashtirilgan yig‘ilishlarini o‘tkaza olmagan.

Manbaning ta’kidlashicha, bunday oddiy sharoitlarda o‘ynashdan bosh tortgan mamlakat diskvalifikasiya xavfi yuqori bo‘ladi. Bunday holda, UYEFA va FIFA yakunda 12 jamoani yoki faqat bitta jamoani chetlatish to‘g‘risida qaror qabul qilishi kerak edi. Gap raqobatning yaxlitligini saqlab qolish masalasiga aylandi, shuning uchun Rossiya texnik sabablarga ko‘ra asosan diskvalifikasiya qilindi. Sport arbitraj sudi Rossiya apellyasiya berganida bu asosni qabul qildi.

FIFA va UYEFA qarori bilan 2022 yilning fevral oyidan boshlab Rossiya milliy futbol jamoalari va terma jamoalari xalqaro turnirlarda ishtirok etmaydi. Ikkala tashkilot ham Rossiyaning qaytishi Ukraina mojarosi hal bo‘lganidan keyin sodir bo‘lishini bildirgan.