Arsen Venger FIFA jahon chempionatini har 2 yilda bir marta o‘tkazish g‘oyasidan voz kechganini ma’lum qildi.
«Mendan bu haqda o‘ylab ko‘rishni so‘rashdi va buni yaxshi fikr deb hisobladim. Ammo bunday o‘zgarishlar uchun saralash taqvimini to‘liq qayta ko‘rib chiqish kerak bo‘ladi.
Hozir bunga intilmayapmiz. 4 yillik siklni kuzatyapmiz. Oraliqda tobora ahamiyatli bo‘lib borayotgan ayollar o‘rtasidagi mundial, Yevro va klublar o‘rtasidagi jahon chempionati o‘tkaziladi», — dedi FIFAning global rivojlanish departamenti rahbari L'Equipe'ga.