Farg‘onadagi 350 ta maktab to‘liq ta’mirlanadi, barcha maktablar zamonaviy kompyuter sinflari bilan jihozlanadi

O‘zbekiston liberal-demokratik partiyasidan O‘zbekiston Respublikasi Prezidentligiga nomzod Shavkat Mirziyoyev farg‘onalik saylovchilar bilan uchrashuv chog‘ida ta’limga oid rejalar haqida to‘xtaldi.

“Farg‘ona viloyatida maktabgacha ta’limga bo‘lgan ehtiyoj 100 foizga qoplanadi. Buning uchun 2 mingta yangi davlat va xususiy bog‘chalar tashkil etiladi.

2030 yilga qadar, zamonaviy maktablar barpo etish, mavjudlarining quvvatini oshirish, xususiy sektorni qo‘llab-quvatlash hisobiga qo‘shimcha 125 ming o‘quvchi o‘rni yaratiladi. Natijada, mavjud quvvatlarga nisbatan 2 baravar ko‘p o‘quvchiga ega bo‘lgan 175 ta maktab yuklamasi kamaytiriladi.

Shu bilan birga, viloyatdagi 350 ta maktab to‘liq ta’mirlanadi, barcha maktablar zamonaviy kompyuter sinflari bilan jihozlanadi”, - dedi nomzod.