Jurnalist Fabrisio Romano o‘zining Twitterʼdagi sahifasida 19 yoshli ingliz yarim himoyachisi Dortmundning “Borussiya” klubi yarim himoyachisi Jud Bellingemning “ Real”ga o‘tishi bo‘yicha yakuniy muzokaralar kelasi hafta Bundesliga chempionligi uchun kurash yakunlanganidan so‘ng bo‘lib o‘tishini aytdi.
Germaniya chempionati yakunlanishiga bir tur qolganida “qora-sariqlar” “Bavariya”ni ikki ochkoga ortda qoldirib, birinchi o‘rinni egallab turibdi.
Romano kelishuvga boshqa o‘yinchilar jalb qilinmasligini va transfer 100 million yevro va qo‘shimcha to‘lovlar bo‘lishini aytdi. Oldinroq u Bellingemning "Real" bilan shaxsiy shartnomasi shartlari 100% kelishilganini ham xabar qilgandi.
Angliyalik yarim himoyachi joriy mavsumda Dortmundning “Borussiya” klubi safida 42 ta o‘yinda maydonga tushib, 14 ta gol urdi va 6 ta golli uzatmani amalga oshirdi.
U23 Osiyo kubogi. O‘zbekiston termasining finaldagi raqibi ma’lum
"Real Madrid"ning Myunxenga boradigan futbolchilar ro‘yxati ma’lum (foto)
O‘zbekiston Osiyo kubogida g‘olib bo‘lsa, Olimpiadada qaysi guruhdan joy oladi?
