Rossiya g‘arbiy chegarasi bo‘ylab kazarmalar va omborlar qurmoqda

Ular sun’iy yo‘ldosh tasvirlarida aniqlandi

Xabarlarga ko‘ra, o‘tgan qish davomida Rossiya o‘zining g‘arbiy chegarasi bo‘ylab harbiy infratuzilmani faol rivojlantirdi, buni sun’iy yo‘ldosh tasvirlari tasdiqlamoqda. Norvegiya va Finlyandiya bilan chegara yaqinida yangi kazarmalar va omborlar, shuningdek, yuzlab harbiy mashinalar va boshqa texnikalar paydo bo‘lyapti.

G‘arb harbiylarining baholashicha, Rossiya Finlyandiya chegarasi bo‘ylab 80 ming kishilik kontingentni joylashtirishi mumkin (avvalroq ularning soni 20 mingga yaqin edi). Shvesiya harbiy razvedkasiga ko‘ra, gap "NATO bilan ehtimoliy to‘qnashuv"ga tayyorgarlik haqida bormoqda.