Evropaliklar AQShning xudbinligidan shikoyat qilishdi

Politico: Yevro parlamenti deputati Veber AQShni xudbinlikda aybladi

AQSh prezidenti Donald Tramp ma’muriyati o‘zini xudbinlik bilan tutayapti va Yevropadagi ittifoqchilarining manfaatlarini inobatga olmayapti. Bu haqda Yevropa xalq partiyasi (EPP) va uning Yevro parlamentidagi fraksiyasi rahbari Manfred Veber Politico jurnaliga bergan intervyusida bildirdi.

Veberning aytishicha, Tramp prezidentligi davrida AQSh Ukraina mojarosini hal etishga qaratilgan tinchlik jarayonida “xudbin muzokarachi”ga aylangan. Uning ta’kidlashicha, Vashington o‘z xohishi bilan “erkin dunyoning yetakchisi” roliga rad javob bermoqda.