Evropa komissiyasi G‘azodagi vaziyat tufayli Isroilga qarshi qator sanksiyalar qo‘llaydigan bo‘ldi

Evropa Komissiyasi Isroilga oid takliflar to‘plami, jumladan, ayrim hukumat vazirlariga qarshi sanksiyalar va Isroilning G‘azodagi harakatlaridan so‘ng tomonlar o‘rtasida Yevro-O‘rtayer dengizi kelishuvining ayrim savdo qoidalarini to‘xtatib turishga kelishib oldi.

Bu haqda Yevropa hisobot byurosi xabariga ko‘ra, Yevropa Ittifoqi kengashining tashqi ishlar bo‘yicha oliy vakili Kaya Kallas va savdo komissari Marosh Shefchovich yig‘ilishi yakunlari bo‘yicha o‘tkazilgan matbuot anjumanida ma’lum qilingan.

"Maqsad Isroilni jazolash emas, balki uni G‘azodagi vaziyatni o‘zgartirishga undash" - dedi Kallas.

Savdo qoidalariga kelsak, Yevropa Ittifoqiga eksport qilinadigan Isroil tovarlari imtiyozli rejimdan mahrum bo‘ladi va Ittifoqning erkin savdo shartnomasiga ega bo‘lmagan har qanday uchinchi davlatga nisbatan qo‘llaniladigan darajadagi tariflarga bo‘ysunadi.

Shaxsiy sanksiyalar ikki ekstremal vazir Itamar Ben-Gvir va Bezalel Smotrixga, shuningdek, G‘arbiy Sohilning bosib olingan hududlaridagi ayrim "tajovuzkor" ko‘chmanchilarga nisbatan qo‘llaniladi.

Ushbu takliflar Yevropa Ittifoqi Kengashiga taqdim etilgan bo‘lib, ular malakali ko‘pchilik tomonidan yakuniy qaror qabul qilishi kerak.

Komissiya, shuningdek, fuqarolik jamiyati va Yad Vashem Xolokost yodgorlik maydoniga yordam berishdan tashqari, Isroilga ikki tomonlama yordamni to‘xtatadi. Xususan, bu 2025-2027 yillarga mo‘ljallangan kelgusi yillik ajratmalar, shuningdek, Isroil bilan amalga oshirilayotgan institusional hamkorlik loyihalari va Yevropa Ittifoqi-Isroil mintaqaviy hamkorlik jamg‘armasi doirasida moliyalashtiriladigan loyihalarga ta’sir qiladi.

Qaror Isroilning Assosiasiya shartnomasining barcha shartlariga rioya qilishini tahlil qilishga asoslangan, xususan, Isroilning harbiy aralashuvi, insonparvarlik yordamining blokadasi, harbiy amaliyotlarning faollashuvi natijasida G‘azodagi gumanitar vaziyatning tez yomonlashishi va Isroil hukumatining G‘arbiy Sohilning YE1 deb ataladigan hududida turar-joy qurish rejasini ilgari surish to‘g‘risidagi qarori.