Evropa Ittifoqi mamlakatlari 14 mayda Ukrainadagi harbiy harakatlar sabab Rossiyaga qarshi 17-sanksiyalar paketini kelishib oladi

Bu haqida Bloomberg xabar berdi.

Agentlikka ko‘ra, cheklov choralari 149 ta neft tankeriga ta’sir qiladi, Yevroittifoq ushbu kemalarni Rossiyaning “soya flotiga” aloqador, deb hisoblamoqda.

Shuningdek, cheklov choralari Rossiyaga sanksiyalardan qochishda yordam berishda gumon qilinayotgan uchinchi davlatlardagi kompaniyalarga ham tegishli bo‘ladi. Xususan, BAA, Turkiya, Serbiya, Vyetnam va O‘zbekiston kompaniyalari sanksiyalarga duch kelishi mumkin.