Euractiv: Yevroittifoq AQShdan import qilinadigan mahsulotlarga javob bojlarini tasdiqladi

"Bryussel Qo‘shma Shtatlardan import uchun tariflarning birinchi paketini ma’qulladi, u 15 apreldan kuchga kiradi. 2025 yil davomida qo‘shimcha bojlar joriy etilishi rejalashtirilgan. Turli mahsulotlarga qo‘yiladigan bojlar 10 foizdan 25 foizgacha bo‘ladi", deya xabar bermoqda nashr.

Evrokomissiya agar AQSh "adolatli va muvozanatli muzokaralar natijasi"ga rozi bo‘lsa, bu choralar istalgan vaqtda to‘xtatilishi mumkinligini ma’lum qildi.

"Evropa Ittifoqi Qo‘shma Shtatlarning boj tariflarini asossiz va zararli deb hisoblaydi, chunki ular har ikkala tomonga va butun jahon iqtisodiyotiga salbiy ta’sir ko‘rsatmoqda", deyiladi Yevropa Kengashi bayonotida.