Energetika vazirligi axborot xizmati ma’lum qilishicha, ayni paytda Farg‘ona vodiysiga gaz ta’minotini normallashtirish bo‘yicha jadal ishlar olib borilmoqda. Ushbu ishlarni yaqin vaqt ichida yakunlash rejalashtirilgan.
⚠️ Bugun soat 9:00 dan boshlab shaharlararo yo‘nalishlar bo‘ylab, shuningdek aksariyat hududlarda gaz quyish shoxobchalari odatiy ish rejmida ishlay boshladi. Ayni paytda Toshkent, Farg‘ona, Andijon va Namangan viloyatlarida gaz bosimi me’yori past ekani bois, ushbu hududlardagi gaz quyish shoxobchalarida vaqtinchalik cheklovlar saqlanib turibdi.
🚙 Vazirlik avtomobil haydovchilariga ushbu vaziyatni to‘g‘ri tushunganliklari uchun minnatdorlik bildirib, iloji bo‘lsa, zarur hollarda muqobil yoqilg‘i turi — AI-80 benzini yoki boshqa markalardan foydalanib turishlarini so‘ragan.
