Eron terma jamoasi hujumchisi Serdar Azmun ijtimoiy tarmoqlarda BAA yetakchilari bilan tushgan suratini joylashtirgani uchun milliy jamoasi safidan chetlatildi. Bu haqda Football Transfers nashri Fars agentligiga tayanib xabar berdi.
Qayd etilishicha, Azmun mazkur suratga quyidagi izohni qoldirgan: «Dunyodagi eng buyuk aql egalaridan biri bilan uchrashuv men uchun katta sharaf va zavq bo‘ldi».
Manbaga ko‘ra, milliy jamoadan chetlatilishdan tashqari, futbolchiga nisbatan huquqiy choralar ham ko‘rilishi mumkin. Bu choralar uning mol-mulki musodara qilinishigacha olib kelishi ehtimoldan holi emas.
31 yoshli Azmun Eron milliy jamoasi safida barcha turnirlarda 91 ta uchrashuvda maydonga tushib, 57 ta gol va 17 ta golli uzatma muallifi bo‘lgan.
BAA mintaqada AQShning asosiy ittifoqchilaridan biri hisoblanadi.
Eronning o‘rniga Jahon chempionatiga borishi mumkin bo‘lgan terma jamoalar nomi ma’lum bo‘ldi
Pep Gvardiola: "Real"ga qarshi asosiy tarkibni tanlab bo‘ldim"
Ronaldu urushdan qochib, futbolni chetga surishga qaror qildi
