Eron va Pokiston 12 ta hamkorlik hujjatini imzoladi

Eron va Pokiston o‘rtasida turizm, qishloq xo‘jaligi, transport, savdo va fan sohalarini qamrab olgan 12 ta hamkorlik shartnomasi imzolandi. Hujjatlar ikki davlat yetakchilari huzurida tasdiqlandi.

Eron Prezidenti Mas’ud Pezeshkiyanning yakshanba kuni Pokistonga rasmiy tashrifi doirasida ikki mamlakat rasmiylari hamkorlikni kengaytirish va yo‘lga qo‘yish maqsadida qo‘shma uchrashuv o‘tkazdilar. Uchrashuv natijasida quyidagi sohalarni qamrab olgan kelishuvlarga erishildi:

• Turizm

• Qishloq xo‘jaligi

• Fan va texnologiya

• Transport va tranzit

• Iqtisod va savdo

• Sud-huquq sohasida hamkorlik

• Sanoat

• Madaniy meros

Imzolangan hujjatlar ikki mamlakat o‘rtasida:

• bilim va texnologiya almashinuvini,

• savdo salohiyatini kengaytirishni,

• xalqlar o‘rtasida aloqalarni mustahkamlashni,

• mintaqaviy hamkorlikni kuchaytirishni

maqsad qiladi.

Bu kelishuvlar ikki tomonlama munosabatlarni keng qamrovli rivojlantirish uchun huquqiy va institusional asos yaratadi.