Eron Turkiya bilan munosabatlarni buzishga urinishda AQSh va Isroilni aybladi

Tehron Turkiya hududiga ballistik raketa uchirilgani haqidagi ayblovlarni rad etdi hamda AQSh va Isroilni ikki davlatni bir-biri bilan urishtirib qo‘yishga urinishda aybladi, deb xabar bermoqda RBK.

Eron «Xatam al-Anbiya» markaziy shtabi rasmiy vakili ta’kidlaganidek, Eron qurolli kuchlari «do‘st va qo‘shni» Turkiya tomon raketa uchirmagan.

«AQSh rahbarlari va sionistik rejimning avvalgi fitnalarini inobatga olsak, bunday harakat AQSh va sionistik rejim tomonidan ikki davlat — Eron va Turkiya o‘rtasidagi munosabatlarni buzish maqsadida amalga oshirilganga o‘xshaydi va bu tekshiruvni talab qiladi», — deya Eron davlat televideniyesi uning bayonotidan iqtibos keltirmoqda.