Eron Suriya suvereniteti va hududiy yaxlitligini himoya qilishiga yordam beradi

Eron Suriya suvereniteti va hududiy yaxlitligini himoya qilishda yordam berishga tayyor.

Bu haqda Eron prezidenti Masud Pezeshkian suriyalik hamkasbi Bashar Asad bilan telefon orqali muloqoti chog‘ida ma’lum qildi.

U Eronning Suriyani cheksiz qo‘llab-quvvatlashini ta’kidladi. Pezeshkian, shuningdek, Eron Suriyadagi voqealarni faol kuzatayotgani va bu mamlakatga inqirozni hal qilishda yordam berishga tayyorligini qayd etdi.

Suriya prezidenti, o‘z navbatida, Eronning doimiy qo‘llab-quvvatlashini yuksak qadrlashini aytdi.