Eron sanksiyalarning asossiz ekanligini aytib chiqdi

Eron Rossiyaga yordam borasida Yevropa Ittifoqi va Britaniyaning yangi sanksiyalarini qoraladi.

Eron tashqi ishlar vazirligi seshanba kuni Yevropa Ittifoqi va Britaniyaning Rossiyaning Ukrainaga bostirib kirishini qo‘llab-quvvatlagani uchun Tehronga qarshi joriy qilgan yangi sanksiyalarini asossiz deb aytdi.

«Ukraina prezidenti Eronning birorta ballistik raketasi Rossiyaga eksport qilinmaganini tan olgan bo‘lsada, Yevropa Ittifoqi va Buyuk Britaniyaning Eronga qarshi sanksiyalarni qo‘llash choralarini oqlab bo‘lmaydi», dedi vazirlik vakili Ismoil Bagayi.

Uning qo‘shimcha qilishicha, Yevropa tomonlari xalqaro huquqni, jumladan, navigasiya va dengiz savdosi erkinligini sanksiyalar orqali buzmoqda.

Dushanba kuni Yevropa Ittifoqi va Buyuk Britaniya Eronga qarshi sanksiyalarni kengaytirdi, mamlakatning yuk tashish va aviakompaniyalariga ta’sir ko‘rsatadigan yangi choralar ko‘rildi.

Eron G‘arbning Moskvaga Kiyevga qarshi foydalanish uchun raketa yoki uchuvchisiz samolyotlar bergani haqidagi ayblovlarini bir necha bor rad etgan.