Eron Rossiyaga qurol yetkazib bergani uchun yana zarbaga uchradi

Evropa Ittifoqi Rossiya, Yaqin Sharq va Qizil dengiz mintaqasidagi guruhlarga harbiy ta’minot yetkazib bergani uchun Eronga qarshi sanksiyalarni kengaytirdi. Bu haqda YEI kengashi ma’lum qildi.

"Ushbu qo‘shimcha chora Eronning uchuvchisiz uchish apparatlari, raketalari va ular bilan bog‘liq texnologiyalar va komponentlarni uzatish uchun kemalar va portlardan foydalanishga qarshi qaratilgan," - deyiladi xabarda.

Hujjatda ta’kidlanishicha, «bugungi qaror raketa va uchuvchisiz uchuvchi samolyotlarni yaratish va ishlab chiqarishda foydalaniladigan komponentlarni Yevropa Ittifoqidan Eronga eksport qilish, uzatish, yetkazib berish yoki sotishni taqiqlaydi».

Eronning eng yirik kemachilik kompaniyasi The Islamic Republic of Iran Shipping Line Group va uning direktorlari ham qora ro‘yxatga kiritildi.