Eronda kuchli qurg‘oqchilik sabab yog‘ingarchilik me’yordan 89% ga kamaygan. Shuning uchun hukumat “bulut ekish” — samolyotlar orqali bulutlarga kimyoviy modda purkab yomg‘ir chaqirish amaliyotini boshladi.
Operasiyalar avval Urmiya ko‘li havzasida o‘tkazildi, keyin G‘arbiy va Sharqiy Ozarbayjon viloyatlarida davom etadi.
Bu jarayon may oyining o‘rtalarigacha amalga oshirilishi mumkin. Eronda suv tanqisligi kuchayib, hatto Tehronda ham ichimlik suviga oid xavotirlar ortmoqda.