Eron Prezidenti Saudiya Arabistoni qiroli va valiahd shahzodasiga maktub yo‘lladi

Saudiya Arabistoni qiroli Salmon bin Abdulaziz va valiahd shahzoda Muhammad bin Salmon Eron Prezidenti Ibrohim Raisidan alohida maktub oldi.

Bu haqda Saudiya Arabistoni OAVlari xabar tarqatdi, deb yozadi “Report” .

Xabar berishlaricha, maktublarda ikki tomonlama munosabatlarni rivojlantirish alohida ta’kidlangan.

Saudia Press agentligi xabariga ko‘ra, maktublar Saudiya Arabistoni tashqi ishlar vaziri o‘rinbosari Valid Al-Xurajiyga Eronning Ar-Riyoddagi elchisi Alirizo Enayat bilan uchrashuv chog‘ida berilgan.

Eslatib o‘tamiz, 2016-yilda tomonlar o‘rtasidagi diplomatik munosabatlar uzilgan edi. Bunga Saudiya Arabistonida shia ulamosining qatl etilishi va undan keyin Saudiya Arabistonining Tehrondagi elchixonasi va Mashhaddagi konsulligiga qilingan hujum sabab bo‘lgan.