Eron Prezidenti: "Biz fuqarolar farovonligini oshirish bo‘yicha 20 banddan iborat reja tuzdik"

Eronning ichki muammolari prezidentning o‘zi hal qila oladigan narsa emas; ularni birgalikdagi sa’y-harakatlar bilan hal qilish kerak.

Bu haqda mamlakat prezidenti Ma’sud Pezeshkian "G‘arb OAVlari"ning mamlakatdagi ichki muammolarni hal qila olmasligi haqidagi da’volariga javoban aytdi.

"Biz bu muammolar, sanksiyalar va ular yaratayotgan to‘siqlarning barchasini yengib o‘tamiz", — deya qo‘shimcha qildi Pezeshkian.

Eron prezidenti aholi farovonligini oshirish bo‘yicha 20 banddan iborat reja ishlab chiqilganini ma’lum qildi. U parlament va bir qancha davlat idoralarining iqtisodiy guruhlari bilan hamkorlikda amalga oshiriladi.