Eron parlamenti raisi: "Agar AQShning mina tozalash kemasi o‘z pozisiyasidan ozgina bo‘lsa ham siljisa, biz qat’iyat bilan o‘t ochamiz"

Hormuz bo‘g‘ozi Eron nazorati ostida.

Bu haqda Eron parlamenti raisi Muhammad Bag‘ir G‘olibaf ma’lum qildi.

U Tehron AQShning minalarni tozalashga urinishiga qarshi ekanligini va buni sulhni buzish deb hisoblaganini aytdi.

"Biz AQShning minalarni tozalashga urinishiga qarshi edik va buni sulhni buzish deb hisobladik. Vaziyat to‘qnashuv darajasiga yetdi, ammo dushman chekindi", dedi u.

G‘olibaf shuningdek, Islomoboddagi Amerika delegasiyasini bu haqda ogohlantirganini ta’kidladi.

"Islomobodda men agar ularning mina tozalash kemasi o‘z pozisiyasidan ozgina bo‘lsa ham siljisa, biz qat’iyat bilan o‘t ochishimizni aytdim. Ular chekinish buyrug‘ini berish uchun 15 daqiqa vaqt so‘rashdi. Agar bugun bo‘g‘ozda kemalar harakati bo‘lsa, bu bizning nazoratimiz ostida", deb ta’kidladi u.

Eslatib o‘tamiz, Islom inqilobi qo‘riqchilari korpusi (IIQK) Hormuz bo‘g‘ozi yopilishini e’lon qildi.