Eron: Isroilning hujumi AQSh bilan yadro muzokaralarini ma’nosiz qildi

Eron davlat telekanaliga bergan intervyusida Eron Tashqi ishlar vazirligi matbuot kotibi Ismoil Bekoyi Isroil hujumlaridan so‘ng AQSh bilan rejalashtirilgan yadro muzokaralari endi ma’nosiz bo‘lib qolganini ta’kidladi.

Bekoyi, ertaga AQSh bilan Ummon hududida o‘tkazilishi ko‘zda tutilgan bilvosita yadro muzokaralarining Isroil hujumlari sababli qanday ta’sirlangani haqida fikr bildirdi.

Bekoyi shunday dedi: “Qarshi tomon shunday ish qildiki, endi muzokara va muloqot hech qanday ma’noga ega emas.”

Uning aytishicha, Isroil AQShning “yashil chiroq”isiz (ya’ni roziligisiz) Eronni nishonga olmaydi. Shuningdek, u muzokaralarning kelajagiga doir yakuniy qaror yakshanba kuni qabul qilinishini ma’lum qildi.