Eron tashqi ishlar vaziri Abbos Aroqchiy va Eron delegasiyasi Nyu-Yorkda AQSh bilan muzokaralardagi vositachilar bilan uchrashuv o‘tkazadi. Tomonlar Hurmuz bo‘g‘ozi orqali kemalar qatnovini tiklash bo‘yicha so‘nggi takliflarni muhokama qiladi. Uchrashuvda AQSh vakillari ishtirok etmaydi, deb xabar bermoqda ISNA.
Avvalroq Tehron vositachilar orqali AQSh tomoniga Hurmuz bo‘g‘ozini ochish rejasini taqdim etgan edi. Eron urushni to‘xtatish bo‘yicha kelishuv doirasida, bir qator shartlar, jumladan, muzlatib qo‘yilgan Eron mablag‘lari va aktivlarini blokdan chiqarish evaziga kemalar qatnovini tiklashni taklif qilgan.
AQSh prezidenti Donald Tramp Tehronning taklifini qabul qilmaganini bildirgan. Shu bilan birga, ISNA ma’lumotlariga ko‘ra, vositachilar orqali xabarlar almashinuvi davom etmoqda. Aroqchiyning aytishicha, Vashingtonning yakuniy pozisiyasi hozircha vositachilar orqali Eronga yetkazilmagan.
«Bizning shartlarimiz aniq va Hurmuz bo‘g‘ozini ochish yo‘lidagi har qanday olg‘a siljish ana shu shartlarning bajarilishiga bog‘liq. Biz ulardan chekinmaymiz», — dedi Eron tashqi ishlar vaziri.
10 yildan beri qidiruvda bo‘lgan o‘zbekistonlik ISHIDchi, «Choyxona» rahbari AQShga ekstradisiya qilindi
Netanyaxu nutqi paytida zalni tark etgan davlatlar ro‘yxati
Ra’no Shodiyeva uchun og‘ir judolik
