Eron parlamenti ayollarni islomiy kiyinish qoidalarini buzganliklari uchun 10 yilga ozodlikdan mahrum etishni nazarda tutuvchi qonun loyihasini qabul qildi. Ko‘pchilik eronliklar bir yil avval mamlakatdagi hokimiyat va polisiya zulmiga qarshi norozilik namoyishlaridan so‘ng boshlarini yopishdan bosh tortgan, deb xabar beradi Kazinform BBC Newsga tayanib.
Qonun loyihasini parlamentning 152 nafar a’zosi ma’qullagan, 34 nafar deputat unga qarshi chiqqan, 7 nafar deputat esa betaraf qolgan.
Endi uni konstitusiyaviy nazorat organi – Vasiylar kengashi tasdiqlashi kerak, shundan so‘ng qonun to‘liq kuchga kiradi.
Yangi qonundan maqsad eronliklarning islomiy kiyinish qoidalariga rioya qilishlari ustidan nazoratni kuchaytirishdan iborat.
Endi rasmiylar fikriga ko‘ra, tashqi ko‘rinishi talablarga javob bermaydigan ayollar jarima to‘lashlari kerak, polisiya esa ularni hibsga olish huquqiga ega.
