Eron atrofidagi vaziyat NATOning Rossiya bilan ehtimoliy to‘qnashuvga tayyor emasligini ko‘rsatdi

Yaqin Sharqdagi keskinlik, xususan, Eron atrofidagi voqealar Shimoliy Atlantika alyansi mudofaasidagi zaif nuqtalarni ochib berdi. Bu haqda Politico nashri tahliliy maqola e’lon qildi.

Nashrning yozishicha, NATO Irondagi AQSH-Isroil urushidan masofa saqlashga harakat qilgan bo‘lsa-da, mazkur mojaro alyans ichidagi jiddiy ixtiloflarni yuzaga chiqardi. Xususan, Yevropa davlatlari Vashingtonning harbiy yordam ko‘rsatish haqidagi talablarini e’tiborsiz qoldirgan. Bu esa alyans a’zolari o‘rtasidagi «fikrlar xilma-xilligi»ni yanada chuqurlashtirgan.

Maqola mualliflariga ko‘ra, ushbu zaifliklar alyansning Rossiya bilan ehtimoliy qarama-qarshiligini sezilarli darajada murakkablashtirishi mumkin. Vaholanki, rasmiy Moskva bir necha bor NATO davlatlariga hujum qilish niyati yo‘qligini ta’kidlab kelayotgan bo‘lsa-da, alyans ichidagi muvofiqlikning yo‘qligi uning mudofaa qobiliyatiga shubha uyg‘otmoqda.