Eron 17 iyul kuni Iordaniyadagi AQShning Muwaffaq Salti harbiy bazasiga raketa zarbasi berishdan oldin Xitoy razvedkasi tomonidan olingan yuqori aniqlikdagi sun’iy yo‘ldosh suratlaridan foydalangan bo‘lishi mumkin. Bu haqda Wall Street Journal xabar berdi. Hujum oqibatida uch nafar amerikalik harbiy halok bo‘lgan, yana to‘rt nafari yaralangan.
WSJ ma’lumotlariga ko‘ra, AQSh razvedkasi Xitoy tuzilmalari Tehronga AQShning boshqa ob’ektlari, jumladan, harbiy kemalari haqida ham ma’lumot to‘plashda yordam bergan yoki bermaganini tekshirmoqda. Biroq AQSh rasmiylari Pekinning hujumda bevosita ishtirok etganini tasdiqlamagan. Xitoy esa bu ayblovlarni rad etib, Eron bilan hamkorligi xalqaro huquqqa mos ekanini ta’kidlamoqda.
Amerikalik vakillar, shuningdek, yoz oylarida Eron zarbalarining aniqligi sezilarli darajada oshganini qayd etmoqda. Markaziy razvedka boshqarmasining sobiq tahlilchisi Jim Lemsonning fikricha, Xitoy sun’iy yo‘ldosh suratlari Eronga «eng samarali nishonlarni tezkor ravishda tanlash» imkonini bergan bo‘lishi mumkin. Hujumdan so‘ng Tehronning o‘zi ham bazaga yetkazilgan zararlarning batafsil suratlarini e’lon qilgan.
Mutaxassislar Xitoydan olingan ma’lumotlar razvedkaning yagona manbasi bo‘lgan bo‘lishi shart emasligini ta’kidlamoqda. Eronning o‘z sun’iy yo‘ldoshlari ham mavjud, shuningdek, mamlakat Rossiyadan ham razvedka ma’lumotlarini olishi mumkin.
WSJ nashri bu xabarni Donald Tramp va Si Szinpin o‘rtasida 24 sentyabrga rejalashtirilgan uchrashuv arafasida e’lon qildi.
Yaponiyada uyqu musobaqasi bo‘lib o‘tadi, unda g‘olib katta pul mukofotiga sazovor bo‘ladi
Sun’iy intellekt qachon "qaytib bo‘lmaydigan nuqtaga" yetishi mumkinligi ma’lum bo‘ldi
iPhone 18 Pro to‘rt xil rangda taqdim etildi
