Erkak bo‘lib tug‘ilgansan, erkak bo‘lib o‘lasan”

“Erkak bo‘lib tug‘ilgansan, erkak bo‘lib o‘lasan”. Jurnalist Makronlar oilasining unga qarshi sud da’vosiga javob berdi

Amerikalik jurnalist Kendis Ouens Fransiya birinchi xonimi Brijit Makronni hali hamon erkak deb o‘ylamoqda.

“Sen erkak bo‘lib tug‘ilgansan va erkak bo‘lib o‘lasan. Mana shuni aytmoqchiman. Men seni ruhiy jihatdan sog‘lom emas, jirkanch deb hisoblayman. Va men bu kurashni butun dunyo nomidan olib borishga tayyorman. Butun dunyo nomidan sen bilan sudlashaman”, degan Ouens.

Bu gaplar, Fransiya Prezidenti Emmanuel Makronning AQShda Ouensni sudga berganidan so‘ng aytilgan. Makronning da’vosida Brijitni erkakka chiqargan Ouensning iddaolari yolg‘on va sha’niga putur yetkazuvchi tuhmat deb hisoblangan.